Plantun de Prouvènço

Pèr coumpara dos planto d'encò nostre

Plantago lagopus & Chamaemelum fuscatum

Pèd-de-lèbre

Plantago lagopus

Plantaginaceae

Autre noum : Auriho-de-lèbre.

Noms en français : Pied-de-lièvre, Plantain pied de lièvre.

Descripcioun :
Lou pèd-de-lèbre es uno planto de l'an que trachis dins li pelouso seco e li relarg roucaious. Li fueio blanquinouso soun tóuti basalo, e sort dóu pèd de poulìdis espigueto peludo e argentado (bratèio e sepalo) de 1,5 à 3 cm, que i'an douna soun noum.

Usanço :
Tóuti li fueio de plantage soun bono à manja, lou tout èi que siegon pas trop duro. En Sicilo fan bouli li fueio de pèd-de-lèbre e li servon emé d'òli d'óulivo e de sau (F. Couplan, op.cit. p. 352). Avèn pas d'entresigne segur, mai se poudrié qu'aguèsse li mémi prouprieta medicalo bèn couneigudo de soun cousin, l'erbo-di-cinq costo.

Port : Erbo
Taio : 5 à 30 cm
Fueio : basalo
Tipe bioulougico : Teroufite
Cicle bioulougico : Planto de l'an

Gènre : Plantago
Famiho : Plantaginaceae

Ordre : Lamiales

Coulour de la flour : Blanco
Petalo : 4
Ø (o loungour) flour : 5 à 15 mm
Flourido : Printèms

Sòu : Ca
Autour basso e auto : Pancaro entresigna
Aparado : Noun
Abriéu à jun

Liò : Tepiero seco - Roucaio - Garrigo
Estànci : Termoumediterran à Mesoumediterran
Couroulougi : Estenoumediterrano
Ref. sc. : Plantago lagopus L., 1753

Camamiho(-brunello)

Chamaemelum fuscatum

Asteraceae Compositae

Àutri noum : Camamièli, Camamièri, Camoumiho, Camamido, Camoumido.

Nom en français : Anthémis brunâtre.

Descripcioun :
La camamiho-brunello flouris en ivèr e la primo dins li vigno e li tepiero de Prouvènço séusouso. Li fueio soun proun descoupado e pu proche di Matricaria que dis Anthemis. La plante à l'óudour de pirètre. Èi marcado sus la listo roujo categourìo LC, valènt à dire soucit minour.

Usanço :
Sèmblo agué d'usanço proche de la camamiho cultivado. Pamens la planto èi proun amaro de goust.

Port : Erbo
Taio : 5 à 40 cm
Fueio : alterno
Tipe bioulougico : Teroufite
Cicle bioulougico : Planto de l'an

Gènre : Chamaemelum
Famiho : Asteraceae
Famiho classico : Compositae
Tribu : Anthemideae
Ordre : Asterales

Coulour de la flour : Blanco Jauno
Petalo : >6
Ø (o loungour) flour : 1,5 à 2 cm
Flourido : Printèms Ivèr

Sòu : Si
Autour basso e auto : 0 à 400 m
Aparado : Noun
Febrié à abriéu

Liò : Vigno - Tepiero
Estànci : Termoumediterran à Mesoumediterran
Couroulougi : Estenoumediterrano
Ref. sc. : Chamaemelum fuscatum (Brot.) Vasc., 1867 (= Anthemis fuscata Brot. )

Partisoun en Prouvènço : CCC à C : mai o mens coumuno ; R à RRR : pulèu o forço raro ; "ges" dins aquéu relarg.

ges

Plantago lagopus & Chamaemelum fuscatum

ges

Coumpara Pèd-de-lèbre emé uno autro planto

Coumpara Camamiho(-brunello) emé uno autro planto